Gjylymser Kasapi emocionon me fjalët për Selvijen dhe nipin e saj

Nëna e Shpat Kaspit, Gjylymser Kasapi, ka reaguar me një mesazh prekës në rrjetet sociale, ku falenderon të gjithë ata që kanë qëndruar pranë familjes në këto momente të vështira.

Në mesazhin e saj të ndjerë, ajo i kushton një falënderim të veçantë bashkëshortes së Shpatit, Selvijen, të cilën e përshkruan si një bashkëshorte të devotshme dhe nënë të shkëlqyer për nipin e vogël, Roel.

“Në mënyrë të veçantë dua të falenderoj Selvijen time të dashur, shpirtin e Shpatit tim, i cili jo vetëm që e dashuronte, por e adhuronte për butësinë, çiltërsinë dhe moralin e një bashkëshorteje të devotshme, e cila ishte maksimalisht e përkushtuar jo vetëm si bashkëudhëtuese në jetën e tyre të përbashkët, por edhe si një nënë e shkëlqyer e nipit tim të vogël, Roelit. Kjo u vërtetua edhe me faktin se Shpati ndëroi jetë në krahërorin e Selvijes,” shkruan ajo.

Në postimin e saj të plotë, Gjylymser Kasapi falenderon familjarët, shokët dhe artistët nga të gjitha trevat shqiptare për mbështetjen gjatë kësaj periudhe të dhimbshme. Ajo shpreh mirënjohje të veçantë edhe për familjen Sefer dhe Elida Jao, Agimin dhe Besnikun, të cilët kanë qëndruar gjithmonë pranë tyre, duke trajtuar Shpatin si djalin e tyre.

“Në këto momente, çdo spekulim ndryshe nga kjo, me zemër të thyer dhe lot në sy prej nëne, vjehre dhe gjysheje, do e dënoj jo vetëm moralisht, por edhe ligjërisht. Ju lutem atyre që mundohen të na shqetësojnë si familje, sidomos Selvijen time të dashur dhe të respektuar, të lejojnë të përjetojmë dhimbjen tonë të thellë,” thekson ajo.

Në fund, Gjylymser Kasapi shpreh një falënderim të thellë për gjithë ata që i kanë ngushëlluar për humbjen e Shpat Kaspit, duke përmendur Yllin, Dritën dhe Birin e tij.

“Prehu në paqe shpirti i mamit,” përfundon mesazhi i saj emocionues.

Postimi i Plotë:

“I faleminderoj të gjithë familjarët e familjes KASAPI, familjes sime nga prindërit e mi dhe natyrisht të gjithë shoqërisë sonë në përgjithësi, kolegëve dhe artistëve nga të gjitha trevat shqiptare për mbështetjen dhe ndarjen me ne, të dhimbjes së madhe që po përjetojmë me largimin nga jeta të SHPATIT tonë të dashur për të gjithë…! Në mënyrë të veçantë dua të faleminderoj SELVIJEN time të dashur, shpirtin e shpitit tim Shpatit, i cili jo vetëm që e dashuronte por, e adhuronte për butësinë, çiltërsinë, moralin e një bashkëshorteje të devotshme, e cila maksimalisht ishte e përkushtuar jo vetëm si bashkëudhëtuese në jetën e tyre të përbashkët, por edhe si një nënë e shkëlqyeshme e nipit tim të vogël, ROELIT..! Kjo u vërtetua edhe me faktin se Shpati ndëroi jetë në krahërorin e Selvijes, mbi të cilët u hudh edhe Roeli, duke mos kuptuar se çka ndodhë…!!!Faleminderim të sinqertë dua të shpreh edhe për familjen e Sefer dhe Elida Jao, Agimin dhe Besnikun, një familje e mrekullueshme,të cilët gjatë gjithë periudhës martesore të Shpatit dhe Selvijes, kanë qëndruar afër nesh gjithëmonë, kurse Shpatin e kishin jo si dhëndrin por si djalin e tyre…!

Çdo spekulim ndryshe nga kjo që me zemër të thyer dhe lot në sy prej nëne, vjehre dhe gjysheje, do e dënoj jo vetëm moralisht por edhe ligjërisht…! Ju lutem atyre,që në këto momente mundohen të na shqetësojnë si familje në përgjithësi, cilindo prej emrave që përmenda më lartë, sidomos Selvijen time të dashur dhe të respektuar, e cila më mban të gjallë në këto çaste të rënda për mua, të lejojnë t’a përjetojmë dhimbjen tonë të thellë dhe le të shohin punët e tyre personale..!

Për fund, një FALEMINDERIM të thellë për gjithë ata që na ngushëlluan për Yllin, Dritën dhe Birin tim dhe të juajin SHPATIN…! PREHU NË PAQË SHPIRTI I MAMIT”, shkruan Gjylymser Kasapi.