Ish-kryetari i Partisë Demokratike, Lulzim Basha, është paraqitur pasditen e kësaj të enjteje në ambientet e SPAK.
Sipas burimeve për mediat, Basha është thirrur nga Struktura e Posaçme si person në dijeni, për të dhënë dëshmi në lidhje me ngjarjet e 21 janarit, ku humbën jetën katër protestues.
Në atë kohë, më 21 janar 2011, Basha mbante postin e ministrit të Brendshëm. Kujtojmë se në korrik të vitit të kaluar, SPAK njoftoi regjistrimin zyrtar të procedimit penal për vrasjen e protestuesve Ziver Veizi, Faik Myrtaj, Hekuran Deda dhe Aleks Nika.
Në lidhje me këtë zhvillim ka reaguar gazetari dhe ish-banori i “Big Brother”, Lisi Myrta, i cili ka ironizuar në rrjetet sociale orarin e paraqitjes së Bashës në SPAK.
Në një postim në “InstaStory”, Myrta shkruan me humor:
“SPAK të gjithë i thërret në mëngjes, Lulin e thërrasin pasdite, se e dinë që fle gjumë deri vonë. PS: Si i ka sytë e enjtur mbreti, sapo është zgjuar.”
