Gjykata Kushtetuese nuk ka arritur të marrë një vendim në lidhje me ankimin e paraqitur nga kryeministri Edi Rama, pasi votimi përfundoi në barazim: 4 gjyqtarë pro dhe 4 kundër.
Barazimi i votave ka sjellë rrëzimin e ankimit, pasi sipas rregullave procedurale të Gjykatës Kushtetuese, për miratimin e një kërkese nevojitet shumica e votave. Në mungesë të saj, ankimi konsiderohet i rrëzuar.
Çështja në fjalë lidhej me interpretimin kushtetues mbi kompetencat dhe raportin mes ekzekutivit dhe drejtësisë, një përballje që prej javësh ka prodhuar tension politik dhe institucional.
Vendimi pritet të ketë pasoja të drejtpërdrejta në zhvillimet e mëtejshme procedurale dhe në raportin mes qeverisë dhe institucioneve të drejtësisë.
trupa e përbërë prej 8 anëtarësh e Kushtetueses ka votuar 4 me 4, duke rrëzuar kërkesën e qeverisë.
Në vendimin e shpallur nga kryetarja e gjykatës Fiona Papajorgji rezulton se kërkesa nuk ka marrë korumin e votave, duke u ndarë 4 në favor të kryeministrit dhe 4 në favor të SPAK. Duhet të ishte arritur korumi me 5 veta. Për zonjën Balluku është rikthyer masa e pezullimit nga funksionet publike”.
Gjyqtarët e GJK janë “ngujuar” që në orë 11:00 në Dhomën e Këshillimit, ndërsa janë larguar që aty vetëm pak minuta sa të konsumonin drekën.
Kjo ishte mbledhja e tretë e GJK për këtë çështje, kur dy mbledhjet e ppmëparshme kanë dështuar pasi disa anëtarë kanë kërkuar më tepër kohë.
Çështja “Balluku” është çështja me interes më të lartë publik, nga çështjet që Kushtetuesja po shqyrton aktualisht, duke pasur parasysh rikthimin në detyrë të zëvendës kryeministres Belinda Balluku.