Presidenti i Ukrainës, Volodymyr Zelensky, do të marrë pjesë përmes një lidhjeje virtuale në samitin e G7 në Japoni.
Lajmin e kanë bërë të ditur mediat e huaja, sipas të cilave, lajmin e konfirmoi vetë Zelensky.
Samiti do të mbahet në muajin maj në Hiroshima dhe vendimi i Zelenskyt për pjesëmarrjen atje erdhi pasi mori një ftesë nga kryeministri japonez Fumio Kishida.
Ai e bëri këtë koment në një konferencë të përbashkët shtypi me zotin Kishida sot në Kiev.
Kjo do të shënojë herën e dytë që Zelensky shfaqet praktikisht para delegatëve të G7, pas fjalimit në samitin e mbajtur në Gjermani përmes një lidhjeje me video qershorin e kaluar.
Kujtojmë se kryeministri japonez Kishida bëri një vizitë të papritur në Ukrainë për të treguar mbështetjen për luftën e vendit kundër pushtimit rus.
Deri më sot, ai kishte qenë i vetmi lider i G7 që nuk e kishte vizituar Kievin.
Zelensky e quajti liderin japonez “një mbrojtës vërtet të fuqishëm të rendit ndërkombëtar dhe një mik të vjetër të Ukrainës”.
