Nga Klodian Tomorri
Ne 27 maj qeveria hapi ofertat e ankandit per ndertimin e Parkut Diellor te Karavastase. Behet fjale per nje investim 100 milione euro, i cili parashikon ndertimin e nje centrali diellor me fuqi te instaluar 140 mega per prodhimin e energjise elektrike, nga te cilat 70 mega i shiten shtetit dhe pjesa tjeter ne treg te lire. Fituese ne gare u shpall oferta e kompanise Voltalia, e cila ofroi qe gjysmen e energjise se prodhuar t’ja shiste shtetit me cmimin surprize 24.89 euro per mega.
Ne fakt oferta e kompanise Voltalia ishte me te vertete pertej pritshmerive. Me te drejte, shumekush e pergezoi qeverine kur u njoftua cmimi 24.89 euro, i cili eshte dy here me i ulet se sa cmimi mesatar me te cilin Shqiperia e blen energjine aktualisht. Por disa eksperte me skeptike paralajmeruan se djalli fshihet ne detaje. Ndoshta keta te fundit nuk kane qene aq gabim.
Ne dokumentat e tenderit percaktohet shprehimisht se brenda 30 diteve nga shpallja e ofertes fituese, Ministria e Energjise dhe kompania duhet te lidhnin kontraten e koncesionit. Afati 30 ditor ishte data 25 qershor, por kontrata nuk u nenshkrua. Tani po kalojne 60 dite, por kontrate serish nuk ka. A mos po shkon dhe centrali i Karavastase drejt deshtimit?
Nen ze flitet se kompania ka kerkuar favore dhe po negocion me Ministrine e Energjise. I vetem, ky fakt ngre shume dyshime.
Kontrata e koncesionit ka qene standard dhe pjese e dokumentave te ankandit. Ndaj negocimi nuk ka sens. Cdo marreveshje per te ndryshuar kontraten apo kushtet e shpallura ne dokumentacionin e procesit konkurrues do te ishte ndryshim i kushteve pas gares dhe praktikisht do ta kompromentonte totalisht procesin.
Pyetjet qe shtrohen tani jane disa:
Pse nuk po nenshkruhet kontrata e Parkut Diellor te Karavastase, pasi ka tejkaluar te gjitha afatet?
Cfare favoresh po kerkohen kur te gjitha kushtet kane qene te percaktuara qarte ne gare?
Dhe ne fund, a mos valle ky eshte Sukses-Qameti i radhes?
