Në Gjirokastër, qytetarët janë bërë dëshmitarë të një papërgjegjshmërie alarmante: automjete policie që lëvizin me mbi 100 km/h në zona të banuara, pa sirenë emergjence, pa drita sinjalizuese, pa asnjë paralajmërim.
Policë të rinj, rreth të 20-ave, që duhet të jenë modeli i respektimit të ligjit, po rrezikojnë jetën e qytetarëve në rrugë të ngushta, pranë banesave, pranë fëmijëve e të moshuarve.
100 km/h në mes të qytetit nuk është “shërbim”, është rrezik.
Pa sirenë nuk ka urgjencë.
Pa urgjencë nuk ka justifikim.
Ndërkohë qytetarët gjobiten për tejkalime minimale shpejtësie. Por kur shpejtësia kalon trefishin e normës brenda zonës së banuar, kush i kontrollon kontrollorët?
Siguria publike nuk është demonstrim force. Uniforma nuk është imunitet.
Ligji duhet të jetë i barabartë për të gjithë.
