Në një kohë kur Fakulteti i Gjeologjisë dhe Minierave po përjeton braktisjen më të madhe nga studentët, godina të reja vazhdojnë të ndërtohen. Një paradoks që pasqyron më së miri realitetin e arsimit të lartë në Shqipëri: investime në beton, por jo në njerëz.

Në vitin akademik 2024-2025, regjistrimet në këtë fakultet kanë rënë në nivele alarmante:
• Inxhinieri e Burimeve Minerare – 2 studentë të regjistruar
• Inxhinieri e Naftës dhe Gazit – 15 studentë
• Inxhinieri Gjeoinformatike – 13 studentë
• Inxhinieri Gjeologjike – 5 studentë
• Inxhinieri Gjeomjedis – 5 studentë

Në total, vetëm 40 studentë të regjistruar në një fakultet që dikur ishte ndër më të kërkuarit për sektorët strategjikë të ekonomisë shqiptare.

Ndërkohë, ndërtohet një muze mineralesh, ndërsa burimet natyrore të vendit vazhdojnë të keqpërdoren. Mbetjet kimike të industrive të mëdha si Kurum paketohen në bregdet, dhe galeritë minerare po shndërrohen në varreza, jo në vende pune për specialistët e rinj.

Paradoksi është i qartë: po ngrihen godina modernenë një fakultet që studentët po e braktisin. A është ky një investim real për të ardhmen e dijes apo thjesht një tjetër fasadë për të mbuluar krizën në arsimin e lartë dhe indiferencën ndaj industrive strategjike?

E ardhmja e sektorëve të rëndësishëm si gjeologjia, nafta dhe minierat po vihet në pikëpyetje, ndërsa investimet duket se nuk synojnë studentët, por ndërtesat. Pyetja që mbetet është: a mund të mbushen auditorët me beton?

Rigels Xhemollari

👀SY m’SY👀

Ti ndërton godina tek Gjeologjiku, ndërkohë që studentët e kanë braktisur fakultetin.

Ti ndërton muze mineralesh, ndërkohë mbetjet kimike të Kurum paketohen në bregdet, e galeritë shndërohen në varreza!

Ja dhe shifrat e regjistrimeve për vitin akademik 2024- 2025 Tek Gjeologjiku:

Inxhinieri e Burimeve Minerare 2 te regjistruar
Inxhinieri e Naftes dhe Gazit 15 te regjistruar
Inxhinieri Gjeoinformatike 13 te regjistruar
Inxhinieri Gjeologjike 5 te regjistruar
Inxhinieri Gjeomjedis 5 te regjistruar

Totali i studentëve Fakulteti i Gjeologji Minierave: 40 te regjistruar